داهی آی‌لار اولدو...
سئوگی ساچینین اوجون هؤرورم
دالیرام شورابیل‌ین شپه‌سینه
دامجی دامجی
داغیلیرام گونده‌لیگه
آنا سسی چالیر داماریمی
بو سون عصیان اولمالی
توپلورام قورخولاریمی
یایلیرام ناغیلارا
و یورورم خیاوانا
ساچیلیر ساچمالار دامنان دواردان
نسیل‌لر دارماداغین
هارای هارای
آی دوست
یانیرام
اوریگم داغیلیر
اریگنه قدر دور منیمله
فلک تگریم اوتا چکیلیب
بیرده باخ باغریمین آلوسونا
سئنیر آرزولار سوموگو
اریر حسرت دوداقلاریم
سن قورتار منی
دار آغاجینا حسرت قوی منی
اولوم حاقدیر
آزادلیق مطلق وارلیق
