گونده‌لیک ایش‌لریمی یازماغی فیکرین گاهدان ایتیریرم، بئله هئچ کئچمیش‌ده یازیب قارالامامیشام کیمی گلیر. اؤز-اؤزومه دئیرم کی آخی ندن یازیم؟ نه قالیب کی یازماغینا هیجان صرف ائدیم. یاشاییش‌یما فیکرله‌شیرم ، گون چیخانان تا گئجه واقتی اؤلو کیمی یئره سرلیب یاتماغیم‌نان یازیم یا ندن یازیم کی اولجه اؤزومی سونرا آیری‌سئ‌نا اوخومالی گلسین. اولمور. بو حیات بیزی بیزدن بئزدیریب آلیب آپاریب. تکی هر کیمنن بیر قابیق قالیب. بو بوش جیلدلرین ایچینده ساده‌جه نفس چکیریق و بونون یازماغینا بیر دلیل یوخدور. نمنه‌دن یازیم من. احوالاتیم ائله یئدی گون‌دیر بیر باشا عینی سوشوب. نسه تزه بیر شی‌لر باش وئرمیب. ائله بیر حالدیر کی کئچمیش‌ده ایزی قالان خاطیره‌لرده اؤز تاثیرین الدن وئریب. بیر نئچه کومئدیا تاماشا باشیمدا صحنه‌یه چیخیر.
دئییه بیلرم کی نه هیجان یاشیرام نه سئوگی و نه راس گله سیرادان حادیثه. بئله قارقادا ماشینما سیچمیر، پیشیک قاباغیما چیخمیر، ایت چیمخیرمیر، دوشوندروجو مئساژ گلمیر و... گینه ده قایدیرام اتاقیما، گئجه چاغی ساعات بیر میزانی. یادداش دفترچه‌می آچیرام، دیلی‌می سئچیرم و گوزلریمی اکران‌دان چکیرم کی یازا بیلم. نئچه کلمه، نئچه جومله قوشورام. دال‌با دال اؤزومه خاطیرلادیرام کی من گرک ایچیمدن گئچن درین حیسیّاتلاری اوزه چیخاردا بیلم. بونلاری کی یازیرام، یازیم سهو‌لرله دولو، ایچینه پوخ گویدوغوم جمله‌لرله دولور. اینجیرم کی یازا بیلمیرم. یازماق آخرینجی شی دیر کی من الدن وئریرم. تکجه بو یازماق‌نان من اؤزومو دیری حس ائلیرم. یازماق یا یازماماق نه دیر بئله کی بوغازیمی دیدیر داغیدیر. نه دیر کی بئله آدامی ترسه یولار سالیر. اوردا تک بیراخیر و گینه ده ایستیر کی اونا ساری گئده‌سن. یازا بیلمیرم و بو منی هر نه‌دن چوخ سئخیر. ایستیرم ائله یازام کی، سونو بوتون جاماعاتی تعجب‌لندیره، بیر سوژت تاپام یازام کی هامی‌نی هاوالی ساخلیا، هامینین ایاغین یئردن اوزه، ترسه مذهب یارادئلانا اوخشیالار. من ایستیرم یازام یا یازمیام، اوتورام ائوده سونرا دورام یاتام. من یازا بیلمه‌سم، ایندی بو یازینی سیله‌جییم. ائله سیله‌جییم کی هئچ بیر حرفی، اولا بیلسین کی هئچ بیر ایزی قالمایا. من یازاجام. یازماسام سسیز سمیرسیز قالماغی باشارمیرام. آرتیق نه زاماناجان قورخو دالیندا گیزلنه‌جییم. من یازاجام. درین سوزلری آختاریب، قورجالیب، تاپیب، قوشوب یازاجام.
